Liga Reumatolóxica Galega

  GRACIAS…¡¡¡.

A Xunta Directiva da Liga Reumatolóxica Galega quere agradecer a tódalas institucións,entidades,empresas e amigos ,que coa confianza depositada e a aportación feita , fixeron posible que a 1ª Milla Popular -Quen dixo “Reuma”??? ,fose unha realidade que todos poidemos disfrutar.

Do mesmo xeito,queremos agradecer a todos os atletas e persoas que participaron e se inscribiron nesta proba.

A TOD@S….GRACIASS ¡¡¡. Vémonos na 2ª MILLA POPULAR - QUEN DIXO “REUMA”???.  Listado de Clasificación.

INSCRÍBETE E PARTICIPA.

1ª MILLA POPULAR -QUEN DIXO “REUMA”???.

Data: Sábado 24 de Maio de 2008 ás 18:00 h.

Lugar: Cantóns da cidade de A Coruña (circuito pechado na zona Obelisco).

A Liga Reumatolóxica Galega organiza esta proba xunto coa Concellería de Deportes do Concello de A Coruña e maila Federación Galega de Atletismo.

Nesta proba pode participar calquer persoa,independentemente da súa idade e condición física.Será controlada por cronometradores e Xuices da Federación Galega de Atletismo,pero non ten unha finalidade únicamente competitiva.

Para inscribirse e participar na 1ª MILLA POPULAR fáganos chegar os seguintes datos obrigatorios:

NOME - APELIDOS - DNI / PASAPORTE - Nº LICENCIA FEDERATIVA e E CLUB(si é atleta federado) - DATA NACEMENTO - SEXO - TELEFONO CONTACTO.

Lugares de Inscrición:

• Sede Liga Reumatolóxica Galega:R/Federico Tapia Nº 49 - Local 27 - A Coruña

- Por Tlf 981 23 65 86

-Por Fax 981 23 65 86

- Por correo electrónico: info@ligagalega.org

• Pazo dos deportes de Riazor.

• Federación Galega de Atletismo.

Inscricións ata o 23 de Maio ás 21:00 h.

O vindeiro xoves 22 de maio terá lugar o Obradoiro “Reumatismos infantís”, dirixido a pais e nais de nenos, nenas e adolescentes con doenzas reumáticas.

Desde a Liga Reumatolóxica Galega somos conscientes das difitultades polas que pasan moitas familias ao ter que afrontar a doenza nun dos seus fillos. Por isto, e co obxecto de ofrecer o noso apoio e orientación, organizamos o Obradoiro “Reumatismos infantís”, coa seguinte axenda:

16.30 - 17.30 Obradoiro: “Axudas técnicas e posturais nos reumatismos infantís”.Dna. Graciela Crestar Gómez, Terapeuta Ocupacional C.H. Juan Canalejo. 17.30 - 18.30 Obradoiro: “Buscando o equilibrio: aspectos psicolóxicos no afrontamento da doenza dun fillo”Dna. Bibiana Crestar Gómez, Psicóloga da Liga Reumatolóxica Galega. 17.30 - 18.30  Actividades infantís para menores de 12 anos: “Xoguemos”.D. Martín Concha Vázquez, Animador Infantil 18.30 – 19.00 Aperitivo. 19.00 - 20.00 Mesa Redonda “Conversa cos expertos: Avances no tratamento dos reumatismos infantís “ 

Dra. Cristina Arnal GuimeráUnidad de Reumatoloxía. Hospital UniversitarioVall d’Hebrón. BarcelonaDra. Mª Luz Gámir GámirServizo de Reumatoloxía. Hospital UniversitarioRamón y Cajal. Madrid Dra. Isabel Rotés MasUnidade de Reumatoloxía. Hospital de SanRafael. Barcelona  Moderador:Dr. Xenaro Graña Gil Reumatólogo C.H. Juan Canalejo Día: 22 de maio, de 16:30 a 20:00.Lugar: Local da Fundación Paideia. Praza de María Pita, 17 (A Coruña). 

Máis información: Na sede da Liga Reumatolóxica Galega (rúa Federico Tapia, 49, local 27). Tfno: 981 23 65 86. Info@ligagalega.orgA ENTRADA É LIBRE

Estáse a traballar para poder acadar un local en Vilagarcía que nos permita ter unha Delegación da Liga Reumatolóxica Galega. O Traballo de Xosé Lois Romero xunto coa Concellería de Benestar do Concello,está dando os seus froitos.

O mércores 2 de Abril , fíxose unha rolda de prensa no Concello de Vilagarcía para dar a coñecer os “Grupos de Axuda”,dirixidos a persoas afectadas por doenzas reumáticas e aos seus familiares.

Clic nas ligazóns para ver o que se publicou nos medios.

Diario de Arousa.

A Voz de Galicia.

Faro de Vigo.
 

Dentro do noso servizo de Atención Psicolóxica, poñemos en marcha os Grupos de Axuda “Convivindo coa Doenza”, que xorden co obxectivo de axudar ás persoas afectadas por doenzas reumáticas e ás súas familias a compartir experiencias e a atopar unha forma de atender á enfermidade sen deixar de lado as necesidades persoais e familiares.

Dirixidos a persoas afectadas por doenzas reumáticas crónicas e os seus familiares. A partir dos 12 anos de idade.

A duración dos Grupos de Axuda será de dous meses, en sesións semanais de dúas horas de duración.

INFORMACIÓN E INSCRICIÓN: Sede da Liga Reumatolóxica Galega (Rúa Federico Tapia, 49, local 27, A Courña). Teléfono: 981 236 586.  Correo electrónico: info@ligagalega.org.

Benqueridos socios, compañeiros, amigos e internautas:Chámome Xosé Lois Romero Docampo, son de Vilagarcía de Arousa, teño 52 anos e padezo unha doenza reumática dende os 20 anos, formo parte da Liga Reumatolóxica Galega como socio dende preto da súa fundación.Como ben sabedes, o pasado día 12 de maio celebrouse unha xuntanza xeral extraordinaria co fin de acadar un grupo que fose quen de dar continuidade á laboura feita polo equipo de persoas que dende a fundación da Liga Reumatolóxica Galega fora dirixida por Rosa Capeans.A cuestión que se presentaba era que alguén se debera facer cargo, tendo en conta que era tempo de relevo polo cansanzo natural dos compoñentes de directiva saínte dende os comezos aló polo ano 1996.Os alí presentes entendemos que non se podía abandonar o traballo feito ata o de agora, e por iso comprometémonos a tirar cara diante ate que os folgos ou as circunstancias nolo permitan.O grupo queda formado por xente da anterior directiva, que será quen aporte a experiencia, e outra nova. Entre todos formaremos un equipo para tentar aportar o esforzo necesario para que a Liga siga sendo referente na loita contra as doenzas reumáticas.Unha das primeiras medidas tomadas pola Xunta Directiva, foi o relanzamento da Liga a través dunha nova imaxe, actualizando a nosa paxina Web. Nela esperamos que todas as persoas que precisen información sobre as distintas doenzas reumáticas, podan atopar aquilo que lles permita mellorar a súa calidade de vida. E tamén que a través da mesma se creen vínculos entre persoas que padecen unha enfermidade reumática e que con esa unión e forza, podamos plantexar e esixir todo aquelo ao que temos dereito.

Bienvenidos… dentro de muy poco tendremos mucho que ofrecer. Estad atentos!!